កំណាព្យ

                         អត្ថន័យម្ភៃពីរធ្នូ

                     (ថ្ងៃបង្កើតកងទ័ពប្រជាជនវៀតណាម)

                                                       ដោយ៖ ឡឹម ថឹង

ថ្ងៃម្ភៃពីរធ្នូ              កម្លាំងតស៊ូ                 ឆ្នាំសែសិបបួន

ជាថ្ងៃប្រវត្តិ              ជំនះផ្ទួនៗ                 អត្ថន័យអង្រួន

                              ទឹកចិត្តគ្រប់គ្នា ។

គួរកត់សំគាល់         ថាថ្ងៃបានផ្តល់           បង្កើតយោធា

ជាឈ្មោះប្រាកដ       កងទ័ពប្រជា             វៀតណាមសុខជា

                               ធានាសាន្តត្រាណ ។

អនុស្សាវរីយ៍             ថ្ងៃឥតមានពីរ           ធ្វើតាមលំអាន

ចិតសិបប្រាំបី          ឆ្នាំគ្រប់ទីឋាន           រាល់រូបគ្រប់ប្រាណ

                               កាន់ធម៌រំលឹក ។

គ្រប់រូបយុទ្ធជន         មានភារៈធ្ងន់            ការពារត្រូវនឹក

ទឹកដីប្រជា               ពោរពេញសន្ធឹក        បំរុងញាប់ញឹក

                               រក្សាឲ្យបាន ។

ឥឡូវភូមិស្រុក          ទទួលបានសុខ         រកមិត្តកល្យាណ

សាមគ្គីក្រោកឡើង     ស្ម័គ្រចិត្តកុំខាន        បន្តចូលកាន់

                                កងទ័ពបដិវត្តន៍ ៕