លោកមា ថាច់អាង រួមចំណែកយ៉ាងសកម្មក្នុងការកសាងជនបទថ្មី

លោក ថាច់អាង (ខាងឆ្វេង) ពិគ្រោះជាមួយលោកវិញថាញ់ហុងអំពីការចលនាប្រជាជនកសាងបង្គោលភ្លើង

បំភ្លឺតាមដងផ្លូវ។

     ភូមិ​អូរត្រាវត្បូង​មានគ្រួសារប្រជាជនជាង ​៣០០ ​គ្រួសារ ក្នុង​នោះ​ជនជាតិ​ខ្មែរ​ជិត​៣០%។ លោក ថាច់អាង មាន​ប្រសាសន៍​ថា ខ្ញុំមានបំណង​រួម​ចំណែកក្នុងការចលនា ​ប្រជាជនអនុវត្តបណ្តាចលនា​ប្រឡងប្រណាំងស្នេហា​ជាតិ​នៅ​​មូលដ្ឋាន។ ម្ល៉ោះហើយ នៅពេលប្រជុំម្តងៗ ខ្ញុំតែង បំពេញយោបល់ក្នុងការផ្សព្វផ្សាយ ចលនាប្រជាជនចូលរួមកសាងផ្លូវ បង្គោលភ្លើងបំភ្លឺផ្លូវនៅជនបទ។ ក្នុងការចលនា ខ្ញុំតែងពន្យល់ឲ្យមាមីងយល់អំពីគោលដៅរបស់បក្ស និងរដ្ឋក្នុងការកសាងជនបទថ្មី គឺដើម្បីអភិវឌ្ឍលើគ្រប់វិស័យនៅមូលដ្ឋាន ដើម្បីផ្តល់ផលប្រយោជន៍ដល់ប្រជាជន។ល។ ដូច្នោះហើយ នៅពេលសហការផ្សព្វផ្សាយដល់ប្រជាជនរួចបានប្រជាជនយល់ស្រប និងចូលរួមកសាងជនបទថ្មីយ៉ាងសកម្ម។

     លោក វិញថាញ់ហុង ប្រធានគណៈកម្មការប្រជាជនភូមិអូរត្រាវត្បូង ឃុំ តឹបង៉ាយ បានឲ្យដឹងថា៖ អាស្រ័យអនុវត្តល្អការងារផ្សព្វផ្សាយ ជំនួយឲ្យប្រជាជនបង្កើនការយល់ដឹង និងអនុវត្តបានល្អបែបបទប្រជាធិបតេយ្យនៅមូលដ្ឋាន តាមគោលលំនាំ “ប្រជាជនដឹង ប្រជាជន​ពិគ្រោះ ប្រជាជន​ធ្វើ ប្រជាជនត្រួត​ពិនិត្យ” ទើបចលនា​កសាង​ផ្លូវ​ជនបទ​នៅ​ភូមិ​អូរត្រាវត្បូង​តែងបានប្រជាជនគាំទ្រយ៉ាងពេញទំហឹង។ បច្ចុប្បន្ន​ ក្នុងរដូវភ្លៀងភូមិគ្មាន​ផ្លូវល្បាប់ជ្រាំប៉ប៉ិចប៉ប៉ាក់ដូចពីមុនទៀតឡើយ។ សម្រេចបានលទ្ធផលដូចបច្ចុប្បន្ន​ ដោយសារ​ការរួមចំណែក​យ៉ាងសកម្ម​របស់កម្មាភិបាល ​​ប្រជាជនទាំងមូលក្នុង​ភូមិ​។ ក្នុងនោះ មានការរួមចំណែកយ៉ាងសកម្មរបស់លោក ថាច់អាង តែងរួមដំណើរជាមួយសាខាបក្ស រដ្ឋអំណាចភូមិ ក្នុងដំណើរការចលនាប្រជាជនចូលរួមកសាងភូមិសម្រេចសម្បទាជាភូមិជនបទថ្មី ។ ជាពិសេសចលនាប្រជាជនបរិច្ចាគ​ដីដើម្បីកសាង​ផ្លូវ ​បង្គោលភ្លើង បំភ្លឺផ្លូវនៅ​ជនបទ។ល។

     ទទួលស្គាល់ការរួមចំណែករបស់លោក ថាច់អាង គណៈជនជាតិខេត្តបានជូនលិខិតសរសើរជាច្រើនច្បាប់ដល់លោក ក្នុងនោះមានលិខិតសរសើរសម្រេចស្នាដៃឆ្នើមក្នុងតំបន់ជនជាតិភាគតិចដំណាក់កាល ២០២១-២០២២៕

អត្ថបទ - រូបថត៖ សុជា