សមាគមកសិករឃុំឡុងស៊ើង៖ ជួយសមាជិកកសាងទម្រង់ពង្រីកសេដ្ឋកិច្ច

ប្ដីប្រពន្ធបង ថាច់ក្វៀង ជាមួយទម្រង់ចិញ្ចឹមគោមេរបស់គ្រួសារ។

    ជំរុញមាំអនុវត្តចលនាប្រឡងប្រណាំងផលិត ធ្វើអាជីវកម្មពូកែ សាមគ្គីជួយគ្នាធ្វើមាន និងបន្ថយភាពក្រីក្រស្ថិរភាព ក្នុង ៦ ខែដើមឆ្នាំ ២០២៣ សមាគមចាត់តាំងការផ្សព្វផ្សាយបានជិត ៨០ លើក មានសមាជិក កសិករចំនួន ២.២៧៦ លើកនាក់ចូលរួម។ តាមរយៈនោះ មានសមាជិក កសិករចំនួន ១.៤០៦ រូបចុះកិត្តិនាមផលិត ធ្វើអាជីវកម្មពូកែគ្រប់លំដាប់ថ្នាក់។ ក្នុងនោះមានគ្រួសារសមាជិកចុះឈ្មោះថ្នាក់មជ្ឈិម ០១   គ្រួ ថ្នាក់ខេត្ត ០៩ គ្រួ ថ្នាក់ស្រុក ១០០ គ្រួ និងថ្នាក់មូលដ្ឋាន១.២៩៦ គ្រួ។

   សមាគមបង្កលក្ខណៈឱ្យសមាជិកបានបុលទុនអាទិភាពពង្រីកការផលិត ចិញ្ចឹមសត្វ បង្កបានជាទម្រង់ពង្រីកសេដ្ឋកិច្ច ផ្ដល់ប្រាក់ចំណូលំនឹង។ ជាអាទិ៍ដូចជា សមាជិក​ ថាច់ក្វៀង នៅភូមិថ្មី ជាមួយនឹងទម្រង់ចិញ្ចឹមគោមេជិត ១០ ក្បាល។ ក្រៅពីនោះ គ្រួសារបងនៅទាំងរក្សាផ្ទៃដីដាំ ពោត សណ្ដែកដី។ល។ រួមចំណែកបង្កើនប្រភពចំណូលជូន គ្រួសារ ស្ថិរភាព គិតជាមធ្យមក្នុងមួយឆ្នាំៗទទួលបានប្រាក់ចំណូលជាង ១០០ លានដុង។ បង ថាច់ក្វៀង ចែក​រំលែក៖ ដោយអាស្រ័យបានចូលរួមជាមួយសកម្មភាពសមាគម និងបានសមាគមបង្កលក្ខណឱ្យខ្ញុំ ចូលរួមថ្នាក់ហ្វឹកហាត់ចំណេះដឹង ការផលិតស្រូវ ដាំដំណាំ ចិញ្ចឹមសត្វ។ អាស្រ័យដោយមានចំណេះដឹង ខ្ញុំឥតរអែងក្នុងការកសាងទម្រង់ចិញ្ចឹមសត្វឡើយ។ ខ្ញុំតែងគ្រប់គ្រងបានល្អហ្វូងគោរបស់គ្រួ​សារ ជៀសវាងបានការកើតជំងឺ លើហ្វូងគោ ជួយឱ្យហ្វូងគោរបស់ខ្ញុំមិនត្រឹមតែ​បានសុវត្ថិភាពក្នុងការចិញ្ចឹមនិងគុណភាព លក់បានតម្លៃខ្ពស់ប្រៀបជាមួយការចិញ្ចឹមធម្មតាដូចកាលមុន។

   លោក ង្វៀងមិញតឹម ប្រធានសមាគមកសិករ ឃុំឡុងស៊ើង បានឱ្យដឹងថា៖ ឡុងស៊ើងជាតំបន់ដីមានភាពងាយស្រួល សម្រាប់ពង្រីកផលដំណាំផ្សេងៗ អនុផលក្រោយប្រមូលផលក៏មានច្រើន ងាយស្រួលដល់ការចិញ្ចឹមសត្វរបស់ប្រជាកសិករ។ ហេតុនោះ សមាជិកជាច្រើនក៏ឆ្លៀតប្រើប្រាស់ដើម្បីចិញ្ចឹមសត្វ បង្កើនប្រាក់ចំណូល ឈានឡើងក្នុងជីវភាព។ ប្រសិទ្ធភាពពីទម្រង់ សមាគមស្នើទៅថ្នាក់លើស្ងើចសរសើរ កសិករចំនួន ៨ រូបសម្រេចកិត្តិនាមផលិត ធ្វើអាជីវកម្មពូកែថ្នាក់មូលដ្ឋានឆ្នាំ ២០២២។ ដើម្បីបង្កើនប្រសិទ្ធភាពផលិត ចិញ្ចឹមសត្វ កន្លងហើយ សមាគមសហការជាមួយ​ផ្នែកពាក់ព័ន្ធចាត់តាំងវគ្គហ្វឹកផ្ទេរជូនចំណេះដឹងវិទ្យាសាស្រ្តបច្ចេកទេសចំនួន ៥ ថ្នាក់ ដោយមានសមាជិក កសិករជាង ១០០ រូបចូលរួម ជួយឱ្យសមាជិក កសិករមានភាពជឿជាក់លើខ្លួនឯងក្នុងការចិញ្ចឹមសត្វ។

    គ្រួសារសមាជិក ថាច់ក្វៀងទទួលជោគជ័យក្នុងរបរចិញ្ចឹមគោ រីឯគ្រួសារសមាជិកសឺនង៉ុកខាយ នៅភូមិពាក់រហាត់ ជោគជ័យក្នុងការនាំយកដំណាំចុះដាំនៅវាលស្រែ ។ ផ្ដើមពីដីផលិតស្រូវមិនសូវបានផលប្រមាណ ០,៣ ហិកតា បងបង្វែរមកដាំ ត្រសក់ផ្អរ ម្រះ ម្ទេស រួមជាមួយផលដំណាំរួមផ្សំមួយចំនួនដទៃទៀត។ បងសឺនង៉ុកខាយ បានឱ្យដឹងថា៖ បានការយកចិត្តទុកដាក់របស់សមាគមកសិករក្នុងការបង្កលក្ខណៈឱ្យខ្ញុំបានប្រសព្វជាមួយ​ចំណេះដឹងវិទ្យាសាស្រ្តបច្ចេកទេសជឿនលឿន ម៉្លោះហើយជារៀងរាល់ឆ្នាំលើផ្ទៃដីរបស់គ្រួសារ ខ្ញុំតែងដាំបណ្ដាប្រភេទដំណាំមានប្រសិទ្ធភាព។ ខ្ញុំចូលចិត្តបំផុតគឺដាំដំណាំក្នុងរដូវវស្សា ពីព្រោះក្នុងរដូវនេះ ច្រើនតែលក់បានថ្លៃខ្ពស់។ ជាក់ស្ដែងដូចជាត្រសក់ផ្អររបស់គ្រួសារខ្ញុំដែលកំពុងប្រមូលផល មានតម្លៃជាង ១០.០០០ ដុងក្នុងមួយគីឡូក្រាម។ តាមគិតទៅ លើផ្ទៃដី ប្រមាណ ០,២ ហិកតាក្នុងរដូវនេះ ទទួលបានប្រាក់កម្រៃជាង ៤០ លានដុង។ ក្រៅពីនោះ គ្រួសារនៅទាំង ចិញ្ចឹមគោមេបានពី ៤-៥ ក្បាលទៀតផង។

    ដើម្បីរួមចំណែកជួយលើកស្ទួយជីវភាពប្រជាជននិយាយរួម បណ្ដាសមាជិកនិយាយដោយឡែក សមាគមបានបំផុសចលនាសមាជិក កសិករបន្តរក្សាសកម្មភាពកក្រុមចូលហ៊ុនទុនចំនួន ៤ ក្រុម ដោយមានសមាជិកចំនួន ៤៧ រូប ចូលរួមហ៊ុនទុនជារៀងរាល់ខែគិតជាមធ្យមពី ១៤-១៦ លានដុង ដោះស្រាយឱ្យសមាជិកខ្ចីធ្វើដើមទុនពង្រីកការផលិត  ចិញ្ចឹមសត្វ។     ទន្ទឹមនឹងនោះ សមាគមនៅទាំងសហការជាមួយ ធនាគារគោលនយោបាយសង្គមរក្សាសកម្មភាពក្រុមប្រិតសំចៃបុលទុនចំនួន ១៥ ក្រុម ដោយមានសមាជិក ៧៦៥ រូប ជាមួយប្រាក់បានបុលជាង ១៥ លានដុង វិនិយោគ និងវិនិយោគឡើងវិញសម្រាប់សមាជិកជាមួយប្រាក់ទុនចំនួន ១,២ ពាន់លានដុង បំផុសចលនាផ្ញើប្រាក់ប្រិតសំចៃជាង ៥៤៥ លានដុង ជួយឱ្យសមាជិក កសិករអនុវត្តពហុសណ្ឋានពូជដំណាំ សត្វចិញ្ចឹមនៅតាមបណ្ដាគ្រួសារ៕

 អត្ថបទ-រូបថត៖ សម្បត្តិ