ភូមិជ្រៃធំ ឃុំង៉ាយស្វៀង ស្រុកថ្កូវមានប្រជាជនជាង ៨២០ គ្រួសារ ក្នុងនោះ ជនជាតិខ្មែរជាង ៩៨%។ ភូមិមានវត្តមួយគឺវត្តពោធិព្រឹក្សគិរីវង្សស្វាយសៀមចាស់ សព្វថ្ងៃមានព្រះសង្ឃបួសរៀន គង់ចាំវស្សាជាង ៧០ អង្គ ជាកន្លែងពុទ្ធបរិស័ទគោរពប្រតិបត្តិពុទ្ធសាសនា។ ដើម្បីពុទ្ធបរិស័ទគោរពនិងប្រតិបត្តិត្រឹមត្រូវតាមគន្លងធម៌អាថ៍ វិន័យនិងគោលការណ៍ គោលមាគ៌ា ច្បាប់របស់បក្ស និងរដ្ឋ បំផុតគឺគោលការណ៍ស្ដីពីការប្រិតសំចៃអគ្គិសនី គណៈអារាមាភិបាលវត្តតែងផ្សព្វផ្សាយចម្រុះនៅបណ្ដាថ្ងៃដែលបរិស័ទអញ្ជើញមកវត្តច្រើនកុះករ។
ព្រះតេជគុណ ថាច់យ្វៀង ព្រះចៅអធិការវត្តស្វាយសៀមចាស់សំណេះសំណាលជាមួយបុគ្គលិកផ្នែកអគ្គិសនី។
ដើម្បីពុទ្ធបរិស័ទចូលរួមប្រិតសំចៃអគ្គិសនីវត្តពោធិព្រឹក្សគិរីវង្សស្វាយសៀមចាស់ បានផ្លាស់អំពូលភ្លើង ចាស់ទាំងស្រុងដោយប្រភេទអំពូលស៊ីភ្លើងតិច។ ជាពិសេស នៅដើមឆ្នាំ ២០២០ វត្ត បានផ្គុំដាក់ប្រព័ន្ធអំពូលភ្លើង ប្រើដោយថាមពលពន្លឺ ព្រះអាទិត្យចំនួន ១០ បង្គោលនៅលើទីធ្លាវត្ត។ ពុំនោះសោត គណៈ អារាមាភិបាលវត្តតែងផ្សព្វផ្សាយ ណែនាំព្រះសង្ឃក្នុងវត្តនិងពុទ្ធបរិស័ទអំពីបណ្ដាវិធានការប្រិតសំចៃអគ្គិសនី របៀបប្រើអគ្គិសនីសុវត្ថិភាពប្រចាំថ្ងៃគឺបិទអំពូលភ្លើងពេលមិនចាំបាច់ ពេលថ្ងៃឆ្លៀតយកពន្លឺព្រះអាទិត្យសម្រាប់ ការអានសៀវភៅ កាសែត រៀនធម៌ជាដើម។ អាស្រ័យហេតុនោះ ចំនួនអគ្គិសនីប្រើប្រាស់ ក្នុងវត្តថយចុះ ហើយប្រាក់ចំណាយឲ្យអគ្គិសនីក៏ថយចុះ តាមនោះដែរ។ មុនឆ្នាំ ២០២០ វត្តចំណាយប្រាក់អគ្គិសនីក្នុងមួយខែជាង ៤,៤ លានដុង ប៉ុន្តែបច្ចុប្បន្នថយចុះនៅតែប្រមាណ ៣,១ លានដុងប៉ុណ្ណោះ។
នៅពេលខាងមុខ គណៈអារាមាភិបាលវត្តស្វាយសៀមចាស់ នឹងបន្តចលនាផ្សព្វផ្សាយដល់ពុទបរិស័ទក្នុងចំណុះជើងវត្តអនុវត្តល្អការប្រិតសំចៃអគ្គិសនី ហើយយល់ច្បាស់អំពីអត្ថន័យនៃការប្រិតសំចៃអគ្គិសនី ដើម្បីផលប្រយោជន៍សម្រាប់សង្គម ផង ដើម្បីប្រិតសំចៃថវិកាគ្រួសារពុទ្ធបរិស័ទផង៕ អត្ថបទ-រូបថត៖ ថាច់ហ្វាង