អចិន្ត្រៃយ៍នៃគណៈកម្មាធិការបក្សខេត្តធ្វើការ ជាមួយនឹងបណ្តាអង្គការចាត់តាំងសមាគម

ទិដ្ឋភាពធ្វើការជាមួយនឹងបណ្តាអង្គការចាត់តាំងសមាគម។ រូបថត៖ ហុងញុង

អញ្ជើញចូលរួមមានបណ្តាសមមិត្ត ង៉ូជីកឿង សមាជិកគណៈប្រតិបត្តិការមជ្ឈិមបក្ស លេខាបក្សខេត្ត គឹមង៉ុកថាយ អនុលេខាអចិន្ត្រៃយ៍បក្សខេត្ត ឡឹមមិញដាំង អនុលេខាបក្សខេត្ត  ឡេវុាំងហាំង អនុលេខាបក្សខេត្ត ប្រធានគណៈកម្មាធិការប្រជាជនខេត្ត ថ្នាក់ដឹកនាំបណ្តាមន្ទីរ គណៈ ផ្នែកខេត្ត។
បច្ចុប្បន្ននេះ ត្រាវិញមាន ៤៣៩ សមាគម  ក្នុងនោះសមាគមស្ថិតក្នុងក្របខ័ណ្ឌធ្វើសកម្មភាពថ្នាក់ខេត្តចំនួន ៣២ (មាន ១៣ សមាគម បានទទួលស្គាល់ជាសមាគមមានលក្ខណៈ ពិសេស) ៥៥ សមាគមស្ថិតក្នុងក្របខ័ណ្ឌ ធ្វើសកម្មភាពថ្នាក់ស្រុក (មាន ០៩ សមាគមបានទទួលស្គាល់មានលក្ខណៈពិសេស) ៣៥២ សមាគមស្ថិតក្នុងក្របខ័ណ្ឌធ្វើសកម្មភាពថ្នាក់ឃុំ។ ក្នុង ០៨ ខែដើមឆ្នាំ ២០២៣ បណ្តាសមាគមអនុវត្តភារកិច្ចជាមួយនឹងបណ្តាលទ្ធផល ដែលបានប្រគល់ជូន និងសម្រេចបានលទ្ធផល គួរឱ្យកត់សម្គាល់។ ដូចជាសមាគមជំរុញការសិក្សាគ្រប់លំដាប់ថ្នាក់ក្នុងខេត្តចលនាសាច់ប្រាក់និងសម្ភារគិតជាតម្លៃសរុបរួមជាង ១៨,៩  ពាន់លានដុង។ ឆ្លងតាមនោះ ជូនអាហារូបករណ៍ ​ដល់សិស្សបាន ៥.០៩២ ចំណែក និងនិស្សិត ២១៨ រូប ឧបត្ថម្ភដល់សិស្ស និស្សិត ៣.៧៨៨ រូប និង​គ្រូបង្រៀន ០២ រូប ស្ងើចសរសើរជូនអំណោយ​ដល់សិស្ស ១៩.៧៧៧ រូបជាមួយនឹងតម្លៃប្រាក់​សរុបរួមជាង ១១,៧ ពាន់លានដុង។ ទន្ទឹមនឹង​នោះ ចលនាសមូហភាព ៣១១ កន្លែង និងបុគ្គល ៦០៣ នាក់ទទួលឧបត្ថម្ភដល់សិស្ស និស្សិតចំនួន ២.៧៩៥ រូប គិតជាតម្លៃជាង ២,៤ ពាន់លានដុង។ 
សមាគមគាំពារជនពិការ និងជនរងគ្រោះជាតិ​ពុលឌីអូស៊ីនខេត្តចលនាបណ្តាហិរញ្ញប្បទានិក ​បរិបាលឧបត្ថម្ភសាច់ប្រាក់ និងសម្ភារគិតជាទឹក​ប្រាក់ជាង ១៤ ពាន់លានដុង ឧបត្ថម្ភដល់ជនពិការ និងជនរងគ្រោះជាតិពុលឌីអូស៊ីន ជនពិការភ្នែក កុមារកំព្រានិងអ្នកជំងឺក្រីក្រ ៥៦.៩៥០ លើក។
គណៈតំណាងសមាគមអ្នកមានវ័យចាស់ខេត្ត​ពង្រីកសមាជិកបាន ៧.៦៨៩ រូប បង្កើនចំនួនមក​ដល់ពេលនេះ ក្នុងទូទាំងខេត្តមានសមាជិកអ្នក​មានវ័យចាស់ចំនួន ១០៥.២៩៤ រូប។ សមាគម​ចលនាសាច់ប្រាក់ និងអំណោយគិតជាតម្លៃជាង ៧,៧ ពាន់លានដុង ជូនអំណោយដល់អ្នកមាន​វ័យចាស់បាន ២៦. ៦៤៤ លើកនាក់។
ស្ថិតនៅនឹងពិធីធ្វើការបណ្តាសមាគមបានឆ្លុះ​បញ្ចាំងនូវបណ្តាការលំបាក ជាប់ជំពាក់វាក់វិនក្នុង ការងារដូចជា៖ ការចងសម្ព័ន្ធ សហការជាមួយនឹង បណ្តាគណៈ ផ្នែក អង្គការចាត់តាំងមហាជនមិន ទាន់បានស្រឡះស្រលួន បន្តបន្ទាប់ បណ្តាកម្មវិធិឧបត្ថម្ភរបស់បណ្តាសមាគមសម្រេចបានលទ្ធផលខ្ពស់ពិតមែន ប៉ុន្តែមិនទាន់បានរឹងមាំ សំខាន់នោះគឺការឧបត្ថម្ភដោយអំណោយ សាច់ប្រាក់ មិន ទាន់មានបណ្តាសកម្មភាពឧបត្ថម្ភស្ថិរភាពដូចជា បង្រៀនវិជ្ជាជីវៈ បង្កការងារធ្វើ សមាគមថ្នាក់ស្រុក មួយចំនួនចលនានៅទាប មិនច្បាមខ្ជាប់លក្ខណៈជីវភាពជាក់ស្តែងរបស់មុខសញ្ញាបានទាន់ពេល មានសមាគមមួយចំនួនមិនទាន់ទទួលបានការឧបត្ថម្ភអំពីមូលដ្ឋានសម្ភារ និងថវិកាធ្វើសកម្មភាព។

មានយោបល់សន្និដ្ឋានពិធីធ្វើការ សមមិត្តង៉ូជីកឿង លេខាបក្សខេត្តកំណត់ត្រានូវបណ្តាលទ្ធផលធ្វើសកម្មភាពរបស់បណ្តាសមាគមក្នុងពេលកន្លង។ ដើម្បីទុកឱ្យបណ្តាសមាគមធ្វើសកម្មភាពក្នុងពេលខាងមុខបានងាយស្រួល សមមិត្តលេខាបក្សខេត្ត ចង្អុលការបណ្តាសមាគមយោងលើសមត្ថកិច្ច ភារកិច្ចសកម្មចូលរួមបណ្តាចលនាសកម្មភាពបដិវត្តន៍ ពិសេសគឺការងារប្រជាចលនា ធ្វើការរិះគន់ និងត្រួតពិនិត្យឃ្លាំមើល។ល។ បង្កើនការសហការ រវាងបណ្តាមន្ទីរ ផ្នែក មូលដ្ឋានដើម្បីអនុវត្តសម្រេច ជោគជ័យភារកិច្ចដែលបានប្រគល់ជូន។ បណ្តាអង្គការចាត់តាំងសមាគមគប្បីពង្រីកទូលាយ សាយភាយបណ្តាទម្រង់ថ្មី ទម្រង់ពូកែ។ ទន្ទឹមនឹងនោះ សមមិត្តលេខាបក្សខេត្តចង្អុលការបណ្តាផ្នែកគប្បីប្រមូលផ្តុំកម្លាំងអនុវត្តបណ្តាគោលនយោបាយ ចំពោះកម្មាភិបាល និយោជិតដែលចូលនិវត្តន៍របស់បណ្តាអង្គការចាត់តាំងសមាគម។ បណ្តាសមាគមគប្បីបង្កើនការសហការជាមួយផ្នែកជំនាញ ចាត់តាំងបណ្តាថ្នាក់ហ្វឹកហឺ្វន បំពាក់បំប៉នការងារអភិរក្ស និងអភិវឌ្ឍន៍វប្បធម៌ជនជាតិ បណ្តាអង្គការចាត់តាំងសមាគមគប្បីធ្វើបច្ចុប្បន្នកម្មព័ត៌មាន ស្ថានភាពធ្វើសកម្មភាពរបស់អង្គភាពដើម្បីឆ្លុះ បញ្ចាំងក៏ដូចជាដោះស្រាយបណ្តាការលំបាកជំពាក់វាក់វិនបានទាន់ពេល៕          រតនា