រួមជាមួយរដ្ឋអំណាចគ្រប់លំដាប់ថ្នាក់ និងសមាគមព្រះសង្ឃសាមគ្គីស្នេហាជាតិបណ្តាស្រុក-ទីក្រុងក្នុងខេត្ត គណៈអចិន្ត្រៃយ៍នៃសមាគមព្រះសង្ឃសាមគ្គីស្នេហាជាតិខេត្តត្រាវិញ ចំណាយប្រាក់ពីមូលនិធិធ្វើសកម្មភាពរបស់សមាគមខេត្ត និងចលនាព្រះឧបជ្ឈាយ៍ ព្រះថេរានុត្ថេរក្នុងគណៈអចិន្ត្រៃយ៍នៃសមាគមខេត្ត ចូលរួមថវិកាកសាងផ្ទះ ជូនគ្រួសារក្រីក្រដោយមានឈ្មោះថាផ្ទះ “សាមគ្គីធម៌”។ គិតតាំងពីឆ្នាំ ២0២0 មកទល់បច្ចុប្បន្ននេះ គណៈអចិន្ត្រៃយ៍នៃសមាគមព្រះសង្ឃសាមគ្គីស្នេហាជាតិខេត្ត កសាងផ្ទះ “សាមគ្គីធម៌” បាន ០៧ ខ្នង សរុបថវិកា ៣៥0 លានដុង។
គណៈអចិន្ត្រៃយ៍សមាគមខេត្ត ចូលរួមពិធីប្រគល់ជូនផ្ទះសាមគ្គីធម៌ដល់គ្រួសារលោកមាវិញ។
ការប្រាថ្នារបស់លោកមាថាច់វិញនៅភូមិកិញឆាង ឃុំហ៊ីវទឺ ស្រុកទីវកឹង បានសម្រេចដូចបំណងអាស្រ័យបានការឧបត្ថម្ភរបស់សមាគមព្រះសង្ឃសាមគ្គីស្នេហាជាតិខេត្ត។ កាលពីដើមឆ្នាំ ២0២៣ លោកមាថាច់វិញ បានសមាគមខេត្តឧបត្ថម្ភប្រាក់កសាង និងប្រគល់ជូនផ្ទះមួយខ្នង ធានាតាមតម្រូវការរឹងមាំ ០៣ យ៉ាង៖ “ដំបូលរឹងមាំ គ្រឹះរឹងមាំ និងជញ្ជាំងរឹងមាំ” សម្រាប់គ្រួសារលោកមាស្នាក់នៅបានយូរអង្វែង នឹងនរចិត្តប្រកបការងារកសាងជីវភាព ស្ថិរភាព។
គ្រួសារលោកមា ថាច់វិញ មានកូន ០៣ នាក់។ បន្ទាប់ពីរៀបអាពាហ៍ពិពាហ៍រួច កូនចៅគាត់រស់នៅជាមួយគ្នា (មានសមាជិក ១0 នាក់) ក្នុងផ្ទះពាក់កណ្តាលរឹងមាំ។ យល់អំពីការលំបាកនោះ សមាគមព្រះសង្ឃសាមគ្គីស្នេហាជាតិស្រុកទីវកឹង ពិគ្រោះយោបល់ជាមួយគណៈអចិន្ត្រៃយ៍នៃសមាគមព្រះសង្ឃសាមគ្គីស្នេហាជាតិខេត្ត ដើម្បីឧបត្ថម្ភលោកមាវិញសាងសង់ផ្ទះថ្មីបានសម្រេចដូចបំណងប្រាថ្នា ។លោកមាវិញសំណេះសំណាល៖ គ្រួសារខ្ញុំមានដីធារផ្ទះដែរ ប៉ុន្តែគ្មានលទ្ធភាពសង់ផ្ទះ ។ កូនចៅខ្ញុំរស់នៅក្នុងផ្ទះជាមួយគ្នា។ អាស្រ័យបានសមាគមព្រះសង្ឃសាមគ្គីស្នេហាជាតិខេត្តឧបត្ថម្ភ ៥0 លានដុង និងការឧបត្ថម្ភគាំទ្ររបស់សមាគមព្រះសង្ឃសាមគ្គីស្នេហាជាតិស្រុកទីវកឹង និងប្រាក់កូនៗខ្ញុំសន្សំបន្ថែមនោះ ខ្ញុំក៏សង់ផ្ទះថ្មីបានដូចបំណង។
ក៏ដូចលោកមា ថាច់វិញដែរ លោកមាស៊ើងញុង (អាយុជាង ៨0 ឆ្នាំ) នៅភូមិតាឡេះ ឃុំ ថាញ់ស៊ើង មានក្តីរីករាយ និងសុភមង្គលក្រៃលែងដោយបានគណៈអចិន្ត្រៃយ៍សមាគមខេត្តឧបត្ថម្ភប្រាក់កសាងបានផ្ទះថ្មី។ លោកមាស៊ើងញុង រៀបរាប់ដោយរីករាយថា៖ ខ្ញុំមានកូន ០៣ នាក់។ បច្ចុប្បន្នខ្ញុំរស់នៅជាមួយកូនទី ២ ជីវភាពគ្រួសារក៏លំបាកដែរ ។ ផ្ទះពីមុនក៏ជាផ្ទះមេត្តាធម៌របស់រដ្ឋឧបត្ថម្ភកាលពីឆ្នាំ ២០០០ បច្ចុប្បន្នខូចខាតអស់ហើយ។ ដោយបានសមាគមព្រះសង្ឃសាមគ្គីស្នេហាជាតិគ្រប់លំដាប់ថ្នាក់ឧបត្ថម្ភ គ្រួសារខ្ញុំទើបមានផ្ទះថ្មី រឹងមាំបែបនេះ។ នេះជា ព្រះទ័យ សប្បុរស ពោរពេញដោយក្តីមេត្តា និងស្មារតី "សាមគ្គី" របស់ព្រះឧបជ្ឈាយ៍ ព្រះថេរានុត្ថេរគ្រប់ព្រះអង្គបានប្រោសប្រទានដល់ខ្ញុំ។ ខ្ញុំកាន់តែរំភើប និងសុភមង្គលជាងទៀតគឺក្នុងវ័យជាង ៨០ ឆ្នាំនេះ ខ្ញុំទទួលបានផ្ទះថ្មីដែលមានឈ្មោះថា “សាមគ្គីធម៌” ។ ខ្ញុំពិតជារស់នៅយ៉ាងសប្បាយរីករាយ ដើម្បីមានសុខភាពល្អ អាយុយឺនយូរដើម្បីផ្តល់កម្លាំងចិត្តដល់កូន ចៅខិតខំប្រកបការងារកសាងជីវភាពឲ្យរីកចម្រើនជាងទៀត។
ព្រះឧបជ្ឈាយ៍កិត្តិបណ្ឌិត ថាច់សុខសាន្ត(ទី ១ ខាងឆ្វេង) ចូលរួមពិធីប្រគល់ជូនផ្ទះ “សាមគ្គីធម៌” ដល់លោកមា ស៊ើងញុង។
ព្រះឧបជ្ឈាយ៍កិត្តិបណ្ឌិត ថាច់សុខសាន្ត ប្រធានសមាគមព្រះសង្ឃសាមគ្គីស្នេហាជាតិខេត្តត្រាវិញ មានថេរដីកាថា៖ ផ្ទះ “សាមគ្គីធម៌” នីមួយៗ ដែលកសាងបានសម្រេច រួចប្រគល់ជូនដល់ប្រជាជន ០៧ គ្រួសារ ក្នុងបណ្តាស្រុក - ក្រុង ទាំង ០៧ គឺជាសំណង់អំណរមហាសន្និបាតតំណាងសមាគមព្រះសង្ឃសាមគ្គីស្នេហាជាតិខេត្តត្រាវិញលើកទី ៨ អាណត្តិកាល ២០២៣ - ២០២៨ ។ បច្ចុប្បន្ន គណៈអចិន្ត្រៃយ៍សមាគមខេត្តកំពុងចង្អុលការសមាគមព្រះសង្ឃសាមគ្គីស្នេហាជាតិស្រុកចូវថាញ់កសាងផ្ទះ សាមគ្គីធម៌ទី ៨ ដើម្បីឧបត្ថម្ភប្រគល់ដល់ ០៨/០៨ សមាគមស្រុក ក្រុង ក្នុងខេត្តសម្រាប់ជូនដល់គ្រួសារប្រជាពុទ្ធបរិស័ទកំពុងជួបការលំបាកពីលំនៅឋាន។ ផ្ទះ “សាមគ្គីធម៌” របស់គណៈអចិន្ត្រៃយ៍ សមាគមខេត្ត ជាអំណោយមានប្រយោជន៍ជាក់ស្តែង បញ្ជាក់អំពីទង្វើមនុស្សធម៌ដ៏ប្រសើរនិងទឹកព្រះទ័យ “មេត្តាធម៌” របស់ព្រះថេរានុត្ថេរគ្រប់ព្រះអង្គក្នុងគណៈអចិន្ត្រៃយ៍សមាគមខេត្ត ជូនដល់គ្រួសារប្រជាពុទ្ធបរិស័ទដែលជួបលំបាកពីលំនៅឋាន។ ផ្ទះដែលដាក់ឈ្មោះថា “សាមគ្គីធម៌” មិនត្រឹមតែផ្តើមពីទឹកព្រះទ័យ “មេត្តាធម៌” ប៉ុណ្ណោះទេ ថែមទាំងពោរពេញដោយស្មារតី “សាមគ្គី” របស់សមាគមព្រះសង្ឃសាមគ្គីស្នេហាជាតិទាំង ៨/៨ ស្រុក-ក្រុង ក្នុងខេត្តទៀតផង។
ទទួលស្គាល់ និងស្ងើចសរសើរការរួមចំណែករបស់គណៈអចិន្ត្រៃយ៍សមាគមខេត្ត លោកគាងបុណ្យ អនុប្រធានគណៈកម្មាធិការរណសិរ្សមាតុភូមិវៀតណាមខេត្តមានប្រសាសន៍ថា៖ ការយកចិត្តទុកដាក់គិតគូរដល់ជីវភាពប្រជាជនរបស់បក្សនិងរដ្ឋតែងមានការចូលរួមរបស់ទូទាំងប្រព័ន្ធនយោបាយ និងបណ្តាសាសនា។ ក្នុងនោះ មានគណៈអចិន្ត្រៃយ៍សមាគមព្រះសង្ឃសាមគ្គីស្នេហាជាតិខេត្តត្រាវិញ តែងរួមដំណើរជាមួយគណៈកម្មាធិការបក្ស គណៈកម្មាធិការប្រជាជនខេត្ត ក្នុងការឧបត្ថម្ភកសាងលំនៅឋានបានរឹងមាំជូនប្រជាជន។ ទង្វើជាក់ស្តែងរបស់គណៈអចិន្ត្រៃយ៍សមាគមព្រះសង្ឃសាមគ្គីស្នេហាជាតិខេត្ត បានរួមចំណែកជំរុញឲ្យខេត្តត្រាវិញអនុវត្តលក្ខឋានស្តីពីលំនៅឋានបានទាន់ពេលដើម្បីឆាប់បានទទួលស្គាល់សម្រេចលក្ខឋានជនបទថ្មីមុនឆ្នាំ ២០២៥៕
អត្ថបទ-រូបថត៖ សុជា
.gif)
