រក្សាសុខភាពក្នុងដំណាក់កាលអាកាសធាតុក្តៅខ្លាំងនិងផ្លាស់រដូវ

ពូលីវ៉ាំងហាយ មកកាន់មន្ទីរពេទ្យពហុព្យាបាលពិនិត្យសុខភាព។ រូបថត៖ ង៉ុកស្វង

        មកពិនិត្យជំងឺនៅមន្ទីរពេទ្យពហុព្យាបាលខេត្តត្រាវិញ ពូលីវ៉ាំងហាយ ស្នាក់នៅឃុំហ៊ឹងម៉ី ស្រុកចូវថាញ់បានឲ្យដឹង៖ ខ្ញុំអាយុ ៧៣ ឆ្នាំ មានជំងឺក្នុងខ្លួនដូចជា វិលមុខ ឈឺក្បាល និងលើសសម្ពាធឈាម។ ពេលនេះអាកាសធាតុក្តៅខ្លាំងម្ល៉ោះហើយតែងកើតជំងឺទាំងនោះ ខ្ញុំតែងតែមកមន្ទីរពេទ្យពិនិត្យជំងឺ យកថ្នាំលេបទៀងទាត់មួយសប្តាហ៍ ០២ លើក។ នៅជុំវិញផ្ទះមានដើមឈើដែរប៉ុន្តែនៅតែក្តៅយ៉ាងខ្លាំង ម្ល៉ោះហើយត្រូវតែប្រើកង្ហារ ដើម្បីកាត់បន្ថយការស្អុះស្អាប់។ ប៉ុន្មានថ្ងៃមុនមានភ្លៀងនរណាក៏ត្រេកអរ។

        មីងថាច់ធីធ្វី ស្នាក់នៅឃុំលឺវង៉ីបអាញ់ ស្រុកថ្កូវ ត្រូវគ្រុន ក្តៅរងាច្រើនថ្ងៃកន្លង។ មីងមកកាន់មន្ទីរពេទ្យពិនិត្យជំងឺ ហើយបានវេជ្ជបណ្ឌិតព្យាករណ៍ជ្រាបមេរោគ ក្រើនរំលឹកឲ្យមីងយកចិត្តទុកដាក់ដល់សុខភាពរបស់ខ្លួន កុំចេញក្រៅពេលមេឃក្តៅខ្លាំងអាចបណ្តាលឲ្យកើតជំងឺក្តៅរងារ គួរពិសាទឹកឲ្យបានច្រើន ដើម្បីផ្គត់ផ្គង់ឲ្យរាងកាយត្រូវបាត់ទឹកអាស្រ័យចេញញើស។

        នៅតាមសាលារៀន ការក្រើនរំលឹកឲ្យសិស្ស រក្សាសុខភាពខណៈដែលអាកាសធាតុក្តៅខ្លាំង និងពេលផ្លាស់រដូវបានគណៈចាងហ្វាងសាលា និងអង្គការចាត់តាំងសម្ព័ន្ធយុវជន កងកុមារយកចិត្តទុកដាក់ដល់សុខភាពសិស្ស។ មានសាលាជាច្រើនចលនាបន្ថែមប្រភពសង្គមូបនីយកម្មដាក់កង្ហារបន្ថែម ក្នុងបន្ទប់រៀន។

        លោកគ្រូឡឹមតារា ទទួលបន្ទុកកងកុមារសាលាអនុវិទ្យាល័យលឺវង៉ីបអាញ់បានឲ្យដឹង៖ បន្ទប់រៀននីមួយៗមានសិស្សប្រមាណ ៣៥ រូប ពេលអាកាសធាតុក្តៅខ្លាំងក៏មានជះឥទ្ធិពលដល់សុខភាពរបស់សិស្សផងដែរ យូរៗ មានសិស្សម្នាក់ពុលកម្ដៅថ្ងៃ វិលមុខ។ ក្នុងបណ្តាពេលប្រជុំជីវភាពគោរពទង់ គណៈចាងហ្វាងសាលាតែងក្រើនរំលឹកសិស្សឲ្យកាត់បន្ថយការរត់ប្រឡែងអាចបណ្តាលឲ្យចេញញើសច្រើន ងាយបាត់ទឹកក្នុងខ្លួន នាំជះឥទ្ធិពលដល់សុខភាព។

        តាមវេជ្ជបណ្ឌិត ត្រឿងវ៉ាំងយុង នាយករងមជ្ឈមណ្ឌលត្រួតពិនិត្យជំងឺ អាកាសធាតុក្តៅខ្លាំងអាចបណ្តាលឲ្យមានបញ្ហាមួយចំនួនដល់សុខភាពដូចជា៖ ពុលកម្ដៅថ្ងៃ ឬដាច់សរសៃឈាមខួរក្បាលអាស្រ័យអាកាសធាតុក្តៅខ្លាំង។ មូលហេតុសំខាន់គឺអាស្រ័យត្រូវប៉ះជាមួយកម្តៅព្រះអាទិត្យក្នុងរយៈពេលយូរ ឬធ្វើការងារក្នុងបរិស្ថានអាកាសធាតុក្តៅខ្លាំង ឬអាស្រ័យផ្លាស់ប្តូរអង្សាក្នុងបរិស្ថានដោយចៃដន្យ។ មុខសញ្ញាមួយចំនួនមាននិន្នាការខ្ពស់ដូចជា៖ មនុស្សចាស់ កុមារ អ្នកធ្វើការ ហ្វឹកហាត់នៅក្រៅផ្ទះក្នុងរយៈពេលយូរ បណ្តាអ្នកដែលលើសសម្ពាធឈាម ជំងឺរាំងស្ទះសួត ជំងឺហឺត ជំងឺទឹកនោមផ្អែម។ល។ គប្បី រក្សាសុខភាព ពេលអាកាសធាតុក្តៅខ្លាំង និងរយៈពេលផ្លាស់រដូវដើម្បីកាត់បន្ថយស្ថានភាពជំងឺប្រែប្រួលធ្ងន់។

        ពេលជួបបញ្ហា សុខភាពអាស្រ័យអាកាសធាតុក្តៅខ្លាំង និងពេលផ្លាស់រដូវ យោងទៅលើសុខភាពគឺរួសរាន់អនុវត្តបណ្តាវិធានការវិនិច្ឆ័យឲ្យសមស្រប។ ផ្នែកសុខាភិបាលប្រកាសព្រមានដើម្បីបង្ការជំងឺក្នុងរយៈពេលក្តៅខ្លាំង និងពេលអាកាសធាតុផ្លាស់រដូវ ប្រជាជនគប្បីកាត់បន្ថយការធ្វើដំណើរចេញក្រៅផ្ទះពេលមេឃក្តៅខ្លាំង។ ស្លៀកពាក់ខោអាវពណ៌ភ្លឺ ត្រជាក់ ជក់ញើស យកអាវភ្លៀងតាមពេលធ្វើដំណើរចេញក្រៅ ជៀសវាងកុំឲ្យប៉ះនឹងទឹកភ្លៀងដើមរដូវ។

        បរិភោគបណ្តាប្រភេទបន្លែបៃតង និងផ្លែឈើ គប្បីមានមុខសម្លប្រចាំថ្ងៃ ជាពិសេសក្នុងមួយថ្ងៃពិសាទឹកតិចបំផុតពី ១,៥-០២ លីត្រ។ ពិសាទឹកពុះទុកឲ្យត្រជាក់ដើម្បីជៀសវាងបណ្តាជំងឺផ្លូវរំលាយអាហារ។ល។ ហាត់ប្រាណដើម្បីបង្កើនកម្លាំងធន់នឹងជំងឺពេលអាកាសធាតុក្តៅខ្លាំងដូចសព្វថ្ងៃ៕

ប្រែសម្រួល៖ តឹងង៉ុក