សហជីពផ្នែកអប់រំទើបសហការជាមួយសហជីពមូលដ្ឋានសាលាវិទ្យាល័យហ្វាឡើយ ស្រុកចូវថាញ់ចាត់តាំងពិធីប្រគល់ជូនផ្ទះ “សុខដុមសហជីព” ដល់សមាជិក ថាច់សីយ៉ា ជាបុគ្គលិកការពាររបស់សាលា ស្នាក់នៅភូមិកិញឆាង ឃុំហ្វាឡើយ។
ពិធីប្រគល់ជូនផ្ទះដល់គ្រួសារសមាជិក ថាច់សីយ៉ា។
ផ្ទះសាងសង់លើផ្ទៃដី ៦០ ម៉ៃត្រក្រឡា ជាមួយថវិកាជិត ១២០ លានដុង ក្នុងនោះមូលនិធិ “ផ្ទះសុខដុមសហជីព” ឧបត្ថម្ភ ៤០ លានដុង ក្រៅពីនោះអាស្រ័យគ្រួសារបំពេញបន្ថែម។ បានដឹងថា នេះជាផ្ទះទី ៣ ក្នុងចំណោម “ផ្ទះសុខដុមសហជីព” ០៤ ខ្នងបានសហជីពផ្នែកអប់រំឧបត្ថម្ភដល់សមាជិកសហជីពផ្នែកក្នុងឆ្នាំ ២០២០ ពីថវិកាបានសម្ព័ន្ធពលករខេត្តបត់បែងឲ្យ។
មានប្រសាសន៍ក្នុងពិធីប្រគល់ជូនផ្ទះ លោកស្រីតាំងធីង៉ុកម៉ាយ នាយិការងមន្ទីរអប់រំនិងបណ្តុះបណ្តាលជំរុញទឹកចិត្តឲ្យបង ថាច់សីយ៉ា និងគ្រួសារបន្តខិតខំឈានឡើងក្នុងជីវភាព កសាងគ្រួសារសុខដុម សុភមង្គល និងអនុវត្តល្អភារកិច្ចប្រគល់ជូន ធានាសុវត្ថិភាព សន្តិសុខសាលារៀន។ ផ្តើមពីនោះ ជួយឲ្យគ្រូបង្រៀន និងសិស្សរបស់សាលាស្ងប់ចិត្តបង្រៀនល្អ រៀនល្អ រួមចំណែកក្នុងការអភិវឌ្ឍន៍វិស័យអប់រំ៕
ប្រែសម្រួល៖ តឹងង៉ុក