លោកឡេវ៉ាំងហាំងជូនអាហារូបករណ៍ដល់សិស្ស។ រូបថត៖ ហុងញុង
កាលពីថ្ងៃទី ២៨ កញ្ញា ស្ថិតនៅសាលាអនុមហាវិទ្យាល័យសុខាភិបាលត្រាវិញ មន្ទីរ អប់រំ-បណ្តុះបណ្តាលសហការជាមួយនឹងសមាគមជំរុញការសិក្សាខេត្ត ចាត់តាំងពិធីបើកសប្តាហ៍ជ្រោមជ្រែងរៀនសូត្រអស់មួយជីវិតឆ្នាំ ២០២០ ជាមួយនឹងបធានបទ “ផ្លាស់ ប្តូរតួលេខជំ រុញការសិក្សាអស់មួយជីវិត” ។ អញ្ជើញចូលរួមមានសមមិត្ត ឡេវុាំងហាំង សមាជិកអចិន្ត្រៃយ៍នៃគណៈកម្មាធិការបក្សខេត្តអនុប្រធានគណៈកម្មាធិការប្រជាជនខេត្តតំណាងបណ្តាមន្ទីរ ផ្នែកខេត្ត ថ្នាក់ដឹកនាំសមាគមជំរុញការសិក្សាបណ្តាស្រុក ទីផ្សាររួមខេត្ត ទីក្រុងបណ្តាសាលាអនុមហាវិទ្យាល័យ មហាវិទ្យាល័យ និងសិស្ស និស្សិត ២០០ នាក់លើភូមិសាស្ត្រទីក្រុងត្រាវិញ។ សប្តាហ៍ជ្រោមជ្រែងរៀនសូត្រអស់មួយជីវិតឆ្នាំ ២០២០ បានប្រព្រឹត្តទៅចាប់ពីថ្ងៃទី ០១ -០៧ តុលាឆ្នាំ ២០២០។
មានយោបល់ក្នុងពិធីនេះ សមមិត្តអនុប្រធានគណៈកម្មាធិការប្រជាជនខេត្តឡេវុាំងហាំង សំណូមពរបណ្តាផ្នែក បណ្តាថ្នាក់ និងប្រជាជនគប្បីបន្តជំរុញមាំសកម្មភាពព័ត៌មានផ្សព្វ ផ្សាយការរៀនសូត្រអស់មួយជីវិត កសាងសង្គមរៀនសូត្រ ម្ចាស់ការលើកកម្ពស់ចំណេះដឹងដល់មនុស្សគ្រប់រូបអំពីភារកិច្ចរៀនសូត្រដោយខ្លួនឯង រៀនដើម្បីក្លាយជាពលរដ្ឋល្អ បណ្តាមូលដ្ឋានអប់រំសកម្មផ្សព្វផ្សាយមាន ប្រសិទ្ធភាពចលនាប្រឡងប្រណាំង “បង្រៀនល្អ រៀនសូត្រល្អ” និងបណ្តាចលនាប្រឡងប្រណាំង បណ្តាយុទ្ធសាស្ត្រចលនាផ្សេងៗក្នុងមូលដ្ឋានអប់រំ មិនត្រឹមតែរៀនសូត្រក្នុងមួយសប្តាហ៍ដែលចូលរួមជ្រោមជ្រែងរៀនសូត្រនេះទេ គឺជាដំណាក់កាលរៀនសូត្រ អស់មួយជីវិត។ គណៈកម្មាធិការបក្សគ្រប់លំដាប់ថ្នាក់ រដ្ឋអំណាច អង្គការមហាជន និងប្រជាជនគប្បីជ្រួតជ្រាបគោលការណ៍របស់បក្សនិងរដ្ឋអំពី “ ការកសាងសង្គម រៀនសូត្រធានាឲ្យទូទាំងពលរដ្ឋវៀតណាមមានឱកាសសមភាពក្នុងការរៀនសូត្រ បណ្តុះបណ្តាល” ដើម្បីមិនបពា្ឈប់លើកកម្ពស់គុណភាពអប់រំ និងបណ្តុះបណ្តាល បច្ចេកវិទ្យា បង្កលក្ខណៈសម្រាប់ប្រជាជនច្បាមខ្ជាប់វប្បធម៌ អារ្យធម៌ទំនើប។ បណ្តាថ្នាក់ ប្រជាជនគ្រប់ជាន់ថ្នាក់សកម្មចូលរួមជ្រោមជ្រែងដោយបណ្តាការងារជាក់ស្តែងដើម្បីទុកឲ្យបញ្ហារៀនសូត្រ អស់មួយជីវិតក្លាយជាគំនិតជានិច្ចកាលរបស់ជនគ្រប់រូប។ សិស្ស និស្សិតគប្បីបន្តពង្រីកប្រវេណីសង្វាតរៀនសូត្រ គោរពគ្រូ ប្រតិបត្តិ សីលធម៌ ខិតខំរៀនសូត្រ លត់ដំដើម្បីក្លាយជាកូនលុះក្នុងដំបូន្មាន សិស្សពូកែ ពលរដ្ឋល្អមានប្រយោជន៍សម្រាប់សង្គម។ ចំពោះឳពុកម្តាយសិស្ស និស្សិត និងទូទាំងសង្គមគប្បីយកចិត្តទុកដាក់ បង្កគ្រប់លក្ខណៈដើម្បីកូនប្អូនបានរៀនសូត្រ សប្បាយកំសាន្ត និងលត់ដំក្នុងបរិស្ថានអប់រំសុវត្ថិភាព តម្លាភាព ស្និទ្ធស្នាល រួមចំណែកលើកកម្ពស់គុណភាព អប់រំ និងពង្រីកខឿនអប់រំលើភូមិសាស្ត្រខេត្ត។
ស្ថិតនៅនឹងពិធីនេះដែរ សមាគមជំរុញការ សិក្សាខេត្តត្រាវិញបានជូនអាហារូបករណ៍ ២០ ចំណែកដល់សិស្សសាលាវិទ្យាល័យផាមថាយបឿង (១០ ចំណែក) និងសាលាវិទ្យាល័យទីក្រុងត្រាវិញ (១០ ចំណែក) ដែលមានស្ថានភាពលំបាក ក្នុងមួយចំណែកៗ មានតម្លៃ ០១ លាន ដុង៕ ប្រែសម្រួល៖ រតនា