ដើម្បីអនុវត្តការងារបង្ការទប់ស្កាត់អាសន្នរោគជំងឺកូវីដ-១៩ ខេត្តត្រាវិញបង្កើតបណ្តាប៉ុស្តិ៍ពិនិត្យសុខាភិបាលនៅនឹងតំបន់ច្រកចេញចូលភូមិសាស្ត្រខេត្ត។ ប៉ុស្តិ៍សុខាភិបាលនីមួយៗរួមមាន បុគ្គលិកសុខាភិបាល កងតម្រួតចរាចរណ៍ អធិការកិច្ចចរាចរណ៍ និងកងកម្លាំងយោធា សមាជិកសម្ព័ន្ធយុវជនរបស់មូលដ្ឋានចូលរួមប្រចាំការអនុវត្តភារកិច្ច។
ស្ថិតនៅនឹងបុស្តិ៍ប្រចាំការនីមួយៗ បណ្តាយុទ្ធជនប្រជាស្វ័យត្រាណជានិច្ចកាលគឺជាបណ្តាកត្តាយ៉ាងសកម្ម អស់ពីចិត្តចូលរួមអនុវត្តសម្រេចភារកិច្ចដែលបានប្រគល់ជូន។
បណ្តាប៉ុស្តិ៍មានភារកិច្ចត្រួតពិនិត្យការរបាយការណ៍សុខាភិបាល អប់រំ ក្រើនរំលឹកប្រជាជនឱ្យលើកកម្ពស់ចំណេះដឹងរួមជាមួយនឹងសហគមន៍ដើម្បីបង្ការរោគជំងឺ ហើយរបាយការណ៍ទាន់ពេលជូនគណៈចង្អុលការបង្ការទប់ស្កាត់អាសន្នរោគជំងឺកូវីដ-១៩ ខេត្ត ចំពោះបណ្តាករណីសង្ស័យមានជ្រាបមេរោគដើម្បីម្ចាស់ការអនុវត្តបណ្តាវិធានការធ្វើចត្តាឡីស័កបង្ការរោគជំងឺ។
យើងខ្ញុំមកកាន់ប៉ុស្តិ៍ត្រួតពិនិត្យសុខាភិបាលស្ពានកូចៀង ឃុំដាយភឿក ស្រុកកាងឡុង បណ្តាបុគ្គលិកសុខាភិបាលប្រចាំការនៅប៉ុស្តិ៍កំពុងបំពេញការងារនៅក្រោមម្លុប់ជុំរុំដោយកម្ដៅស្អុះស្អាប់។ ទន្ទឹមនឹងនោះប៉ុស្តិ៍ក៏មានមនុស្សច្រើន និងមធ្យោបាយដឹកជញ្ជូនកំពុងរងចាំដល់វេនដើម្បីរាយការណ៍សុខាភិបាល នៅខាងក្នុងបណ្តាក្រុមប្រចាំការធ្វើការយ៉ាងអស់ពីពលភាព។ បណ្តាយុទ្ធជនកងប្រជាស្វ័យត្រាណ បណ្តាសមាជិកស្ម័គ្រចិត្តរបស់ឃុំ ទីប្រជុំជនកំពុងសកម្មក្តាប់ព័ត៌មានរបាយការណ៍សុខាភិបាលរបស់ប្រជាជនឆ្លងប៉ុស្តិ៍ ឆ្លងតំបន់ ត្រួតពិនិត្យសុខាភិបាល បណ្តាគ្រូពេទ្យវេជ្ជបណ្ឌិតកំពុងធ្វើតេស្តរហ័សជូនប្រជាជនបើកបរឆ្លងប៉ុស្តិ៍។
យុទ្ធជនប្រជាស្វ័យត្រាណកំពុងប្រចាំការនៅប៉ុស្តិ៍ត្រួតពិនិត្យសុខាភិបាល។ រូបថត៖ ថាញ់ញ៉ា
យុទ្ធជនប្រជាស្វ័យត្រាណង្វៀងដឹកហ្វី ប្រជាស្វ័យត្រាណប្រចាំការស្រុកកាងឡុងបានឱ្យដឹងថា៖ បងបានចូលរួមជាកងកម្លាំងប្រជាស្វ័យត្រាណប្រចាំការស្រុកកាលពីខែមេសាឆ្នាំ ២០២១ ឆ្លងតាមការងារហ្វឹកហាត់ បងជ្រួតជ្រាបបានអំពីសមត្ថកិច្ច ភារកិច្ចរបស់កងកម្លាំងប្រជាស្វ័យត្រាណសំខាន់នោះគឺ ការចូលរួមហ្វឹកហាត់ត្រៀមលក្ខណៈប្រយុទ្ធរួមចំណែកជួយមូលដ្ឋានអនុវត្តសម្រេចភារកិច្ចការងារយោធា-ការពារជាតិមូលដ្ឋាន និងចូលរួមការងារប្រជាចលនា ការងារបង្ការប្រឆាំង គ្រោះធម្មជាតិ អាសន្នរោគជំងឺ ដូច្នោះពេលដែលមានបទបញ្ជា បងនិងបណ្តាមិត្តរួមអាវុធក្នុងក្រុមប្រជាស្វ័យត្រាណប្រចាំការត្រៀមលក្ខណៈទទួលភារកិច្ចនៅនឹងប៉ុស្តិ៍ត្រួតពិនិត្យសុខាភិបាលស្ពានកូចៀងនេះ។
ចូលរួមប្រចាំការនៅនឹងប៉ុស្តិ៍ត្រួតពិនិត្យសុខាភិបាល បងហ្វីរួមជាមួយនឹងបណ្តាយុវជនស្ម័គ្រចិត្តរបស់បណ្តាឃុំ ទីប្រជុំជនអនុវត្តភារកិច្ចចែកចាយប័ណ្ណរបាយការណ៍សុខាភិបាល យកព័ត៌មានឱ្យអ្នកបើកបរ ម្ចាស់មធ្យោបាយឆ្លងប៉ុស្តិ៍។ ក្នុងនោះ ការកត់ត្រាបណ្តាព័ត៌មានអំពីគោត្តនាម បកតិនាម អាសយដ្ឋាន កន្លែងផ្តើមដំណើរ កន្លែងទៅដល់ លេខទូរស័ព្ទទាក់ទង ទន្ទឹមនឹងនោះ ផ្សព្វផ្សាយ ក្រើនរំលឹកប្រជាជនអនុវត្តការរាយការណ៍សុខាភិបាលជាមួយនឹងមូលដ្ឋាន អនុវត្តតាមអនុសាសន៍ ៥K ក្នុងការបង្ការទប់ស្កាត់អាសន្នរោគជំងឺកូវីដ-១៩។
ចូលរួមអនុវត្តប្រចាំការនៅនឹងប៉ុស្តិ៍ត្រួតពិនិត្យសុខាភិបាលស្ពានម៉ាយតឹក ទីប្រជុំជនកាងឡុង ស្រុកកាងឡុងមាន កៅង្វៀងខាញ់ យុទ្ធជនប្រជាស្វ័យត្រាណប្រចាំការទីប្រជុំជនកាងឡុង។ អាស្រ័យដោយប៉ុស្តិ៍ត្រួតពិនិត្យសុខាភិបាលធ្វើសកម្មភាពជានិច្ចកាល ២៤/២៤ ម៉ោង បានជាក្នុងមួយថ្ងៃចែកចេញជា ០៣ វេនប្រចាំការ ក្នុងមួយវេនៗ ០៨ ម៉ោង ជូនពេលមានវេនខ្លះប្រចាំការពេលយប់ទៀត។ យុទ្ធជនកៅង្វៀងខាញ់បានឱ្យដឹងថា៖ ពេលមានបទបញ្ជាកោះហៅអនុវត្តភារកិច្ចនៅនឹងប៉ុស្តិ៍ ខ្លួនខ្ញុំនិងបណ្តាយុទ្ធជនក្នុងក្រុមតែងជ្រោងខ្ពស់ស្មារតីភារកិច្ច ត្រៀមជាស្រេចដើម្បីរួមជាមួយនឹងមូលដ្ឋានចូលរួមការងារបង្ការរោគជំងឺ។ ខ្ញុំយល់ឃើញថានេះជាភារកិច្ចដែលមានផលប្រយោជន៍ជាក់ស្តែង ដើម្បីទុកឱ្យកម្មាភិបាល យុទ្ធជនកងកម្លាំងប្រជាស្វ័យត្រាណដូចជាយើងខ្ញុំបានរួមវិភាគទានមួយចំណែកសម្រាប់ការងារបង្ការអាសន្នរោគជំងឺរបស់មូលដ្ឋាន។
លោកង្វៀងវ៉ាំងនិញ ប្រធានក្រុមអធិការកិច្ចចរាចរណ៍-ដឹកជញ្ជូនលេខ ១ របស់មន្ទីរគមនាគមន៍-ដឹកជញ្ជូន ប្រធានប៉ុស្តិ៍ត្រួតពិនិត្យសុខាភិបាលស្ពានម៉ាយតឹកបានឱ្យដឹងថា៖ បណ្តាយុទ្ធជនប្រជាស្វ័យត្រាណចូលរួមអនុវត្តប្រចាំការនៅនឹងប៉ុស្តិ៍តែងមានអត្តចរិតម៉ឹងម៉ាត់ ប្រតិបត្តិល្អបណ្តាសេចក្តីកំណត់អំពីពេលវាលា បងៗគឺជាកត្តាសកម្ម អស់ពីចិត្តក្នុងការអនុវត្តន៍ភារកិច្ច។ ទន្ទឹមនឹងនោះ បណ្តាបងក៏គឺជាកងកម្លាំងត្រៀមខ្លួនជាស្រេចដើម្បីចូលរួមកម្លាំងរក្សាសន្តិសុខសណ្តាប់ធ្នាប់នៅនឹងតំបន់ប៉ុស្តិ៍ពេលដែលមានសភាពការណ៍កើតឡើង៕
ប្រែសម្រួល៖ រតនា